自帶強勁吸金力 張敬軒首攜自家團隊拍廣告搵銀


繼去年獲跨社交平台總結成為最Top KOL、今年繼續坐穩第三季廣告銷售額最高KOL首位的張敬軒接廣告接到手軟，單是今年已經接拍超過十多個廣告，吸金力驚人！最近有廣告商更睇中埋軒仔團隊「H Crew」，出錢請來軒仔自家團隊跟他齊齊拍廣告。軒仔除了自帶吸金力，這次更帶挈身邊人搵真銀，廣告遊戲片一上架瞬即登上YouTube熱門位置，認真犀利！


「H Crew」包括經理人華華、助手阿迪、髮型師Ritz、化妝師Cyrus、造型師Constance及攝影師Kiko。今次拍攝內容參考軒仔的皇牌YouTube 節目《軒公敲碗》，改名為《軒仔敲碗》，大玩各式各樣遊戲，現場準備了不同的關卡考驗這班跟軒仔平時日對夜對的人對軒仔的了解度及默契。先來的熱身賽是「軒仔九宮格」，眾人鬥快說出哪幾格是軒仔的眼耳口鼻，勝出者可贏得下回合的機會卡。首先舉手答題的化妝師Cyrus，雖然對軒仔面部瞭如指掌，不過仍答錯一格，最後被造型師Constance「執死雞」勝出這回合，不過由於是熱身題，答中是無分的。


遊戲正式開始，第二個「嘴」的九宮格出現，首先舉手的依然是化妝師Cyrus，不過他重覆犯錯，再次答錯一格，最後軒仔補答勝出，更謂：「我自己個嘴點會唔認得。」最後一題是認耳，軒仔立即用手掩耳並說：「我自己都唔認得自己啲器官。」最後髮型師Ritz一擊即中，這回合由軒仔及Ritz勝出，二人得到機會卡。進入第二回合，「1、2、叮！拍子game」，參加者邊打拍子邊輪流根據題目講答案，甩beat或答不到便輸。遊戲開始前軒仔及Ritz發動機會卡，可預先知道這round題目，分別是「早餐會食嘅嘢」、「姓張嘅藝人」、「叫老細加人工時會講嘅嘢」及「張敬軒嘅歌名」，眾人順利完成一圈，開始第二輪時，團隊竟然未能繼續說出軒仔歌曲，軒仔即怒稱：「我想解散呢隊Team！」十分搞笑。


最後一個遊戲「以訛傳訛動作版」，兩組計時比賽，唔準講嘢只做動作，較快估中所有題目的一組便贏。軒仔得到的題目是「軒公周遊遊」，軒仔更要「小軒軒」落場幫拖，不過隊員還是未能估到，氣得軒仔說：「我想講粗口呀！」最後還要軒仔出口術提示，「新節目名呀。」經理人華華立即信心十足說出，「軒公周遊遊！」眾人於遊戲中旇展渾身解數兼大放笑彈。